happy Saturday

EKSENA: Tinawag ako ni Bunso, kani-kanina lang, habang nagtu-toothbrush ako.

BUNSO: Ate, ate, dali, tumingin ka sa labas!

AKO: Ano ba yun? Teka, nagtutooth brush pa ako. *after mag toothbrush, sumilip sa labas*

BUNSO: Venus yata iyan. *draws an arc shape in the air*

AKO: E sira, yung moon yan e.

BUNSO: Ay moon ba yan?

AKO: Ang ganda naman ng moon na yan. Tara, picture-an natin.

BUNSO: Sige!

Kinuha namin ni Bunso yung cell phones namin. Lumabas ako ng gate.

AKO: *tinaas ang cell phone para kunan ang moon*

Then suddenly, may narinig akong suminghot. May lalaking nakatambay sa isang corner sa right side ko.

AKO: :whattha: Ay may tao pala! *Bigla raw ako nahiya pero go pa rin, tutok uli ng cell phone sa moon* (kay bunso) Rex, di naman kita.

BUNSO: Ba't sa'kin kita?

Then all of a sudden, may narinig ako.

ATE SHIRLEY: Ano yan, wala kang signal?

Si Ate Shirley pala, yung katiwala ng tindahan malapit sa amin.

AKO: Hindi po. Pinipicture-an ko lang yung buwan. (Sa isip-isip) Ayoko na nga, daming istorbo.  *mad*

Pumasok na ako sa bahay.

AKO: *nagtanong kay bunso* Ano, napicture-an mo?

BUNSO: Hindi e!

AKO: *himatay*

***

Happy Saturday.

<3: Bukas ha, 10 am sharp.

At nagbanta pa na may penalty raw ang male-late. Tapos siya naman pala itong late. Siya tuloy ang nagbigay ng penalty. ROFL!

AKO: *tanong sa kanya* Ano yan, ba't may lipstick ka sa bibig?  :?

At natawa na lang siya.  ROFL!

PPPP

Eksena: Kaninang 5:30 a.m., pagbaba ko... Gising na sina mama at bunso.

MAMA: Sinong kausap mo kanina?

AKO: Huh?

MAMA: Sinong kausap mo?

AKO: *hide*

BUNSO: Ang ingay ingay mo!  O-O


_mahina naman yung boses ko ah. bat dinig sa kabilang kwarto?  :?


.
.
.
.
.
.
.
.
.
.

ay naka earphones pala ako. ROFL!

Bakit ba? E masarap daw siya kausap e.  ^^

"Ok."

Kagabi nag PM sakin yung tatay ko (sa Facebook). Nangungumusta. Itinanong na naman niya yung walang kamatayang tanong niyang, "Anong balita?" At sinagot ko naman siya ng walang kamatayang sagot sa walang kamatayan niyang tanong, "Wala." ROFL!

Tapos nagtanong ako ng tungkol sa projector na inuwi niya. Kasi nung ginamit ko bigla na lang namatay. Ewan kung anong problema. May power naman. Sabi niya baka sa bulb. Maghahanap na lang siya ng bulb doon sa kanila.

Tapos nagtanong ako uli sa kanya.

AKO: Pa, magkano ba riyan yung notebook?

PAPA: Notebook? Netbook?

AKO: Netbook.

PAPA: Sinong bibili?

Nung una nag-hesitate pa ako kung itatype ko ba yung nasa utak ko. Kaso sabi ng mga daliri ko i-type ko na. Pero gumana daw yung pagkahiya ko kaya nagdadalawang-isip akong i-type yun. Pero sa bandang huli e tinype ko rin.

AKO: Ikaw! Haha! Bilhan mo ako! : ))))

Tapos tapos... Ang laki talaga ng smile ko sa mukha nung sinabi niyang...

PAPA: Ok.

"OK."

Yung OK na yun ang sinabi niya.

OK ibig sabihin approve.

Ibig sabihin ibibili niya ako nun.

AKO: Thank you, papa!  T_T

PAPA: Basta ikaw, walang problema. ;)

Tapos binigyan niya ako ng link. Sabi niya website daw yun ng appliance store dun sa kanila.

PAPA: Mamili ka riyan.

At talagang pinapili niya pa ako.

Tapos nung may napili ako, inapprove niya. Maganda raw yun. Magtitingin na raw siya.

Kung kelan ipadadala, ewan ko lang.

Pero bilib talaga ako sa tatay ko. Never niyang hindi binigay yung mga gusto namin. Minsan kahit di ka humihingi, bibigyan ka niya. Minsan lang naman ako mag-request sa kanya.

Sana yung mapangasawa ko in the future ganun din. Nag-ambisyon pa ako. ROFL!

Tapos nun nag bye bye na siya sa akin. Tapos sinabihan ako ng magic words.

"I love you." ^^

Nakakabwisit

Kanina habang naroon ako sa library e lumapit sa akin si Richmond, isang third year student.

"Ma'am pwede po ba mag-stay rito?" tanong niya.
"Ah, sige. Ano bang kailangan mo?" Baka kasi maghanap siya ng librong babasahin; baka matulungan ko na rin sa kung anong gusto niyang hanapin.
"Si Kuya K kasi, nagtanong ako kung pwede akong mag-stay sa clinic. Kaso pinaalis niya ako. Hindi raw pwede. Para lang daw yung clinic sa mga may malulubhang sakit. Hinihika kasi ako ma'am."

Si Kuya K (hindi tunay na pangalan) ang guard ng school namin. Kahit kailan talaga naging bwisit siya sa paningin ko. Ewan ko ba. Banas na banas ako sa tuwing kakatok siya sa classroom habang nagkaklase tapos magdadala ng baon ng kung sinu-sino. Na kung tutuusin e pwede namang gawin pag lunch time na, at pupwede namang yung mga estudyante na lang ang kumuha nun sa guard post. High school na naman yung mga yun.

Isang pang kinagalit ko e nung uwian na e umakyat siya sa classroom ng advisory class ko para sabihin na yung service ni ganito at ni ganyan ay nandiyan na. Sinabi kong, "Pupwede bang mamaya na, kasi naglilinis pa sila." Tapos ilang minuto ang lumipas e umakyat na naman siya at sinabi sa mga naglilinis sa harap ko pa mismo,
"Ano ba? Pinag-iinit ninyo ulo ng mga service nyo e!"

Nagpintig yung tainga ko doon kaya sinabihan ko siya. "Gusto mo bang ang ulo ko ang mag-init at ikaw ang paglinisin ko?" Umalis siyang tatawa-tawa.

Lalo akong nabwisit nang malaman kong dinodrawing niya ako habang nakatayo ako sa gate ng school namin at naghihintay ng sundo. Bakit niya ako dinodrawing?! Pinadodrawing daw ako ng staff ng maintenance.

At noon ngang sinabi ni Richmond na pinaalis siya ni Kuya K sa clinic e bumaba ako para hanapin si Kuya K. As usual nandoon lang naman siya sa guard post. Isinama ko si Richmond.

"Kuya K, pwede bang magamit yung clinic? Kasi sabi mo raw kay Richmond hindi pwedeng gamitin."
"Ma'am, hindi kasi pupwede na mag-stay dito yung mga gusto lang matulog."
"Kuya K, hindi ganoon. May hika po si Richmond."

Bumaling siya kay Richmond. "May hika ka ba? Wala ka namang sinabi."

"Sinabi ko sa iyo, kuya. Ang sabi mo sa akin ang pwedeng mag-stay lang doon e yung may malubhang sakit."

Wala nang nagawa si Kuya K kundi ang papasukin si Richmond sa clinic.

Maliit lang yung school. Kaunti lang ang population ng estudyante. Wala talagang attending physician. Kaya ang nangyayari e yung teacher na naka-assign doon ang nag-aasikaso. Na nangyayari rin naman sa ibang private schools dito sa amin. Pero it just so happened na pagpunta ni Richmond doon e walang tao. Sinabihan ko yung adviser ni Richmond. Ang response niya e,

"Bakit naman siya nagsasalita ng ganoon? Anong gusto niya, gugulong pa si Richmond at mahihimatay bago pag-stay-in sa clinic?"

_good noon. :wave:

Bastos kang bata ka!

EKSENA: Si BUNSO at AKO, naglalakad, pauwi na. Dumaan kami sa shortcut; maraming informal settlers.


AKO: *Naglalakad, nagpapalinga-linga, tingin-tingin sa paligid, may napansing batang nakaupo sa gilid (left side ko)*

BATA: *May hawak na laruan, kita ang bungi-bunging ngipin sa kanyang pagngiti*

AKO: *Napatingin sa bata*

BATA: *Nginitian ako... tapos may sinabing kakaiba* Ate, ang laki ng pwet mo.

AKO: :-O

AKO: *Sa isip* Fvck.  o_O


Nagtuloy-tuloy kami sa paglalakad.


AKO: *Kay Bunso* Narinig mo yung sinabi ng bata?

BUNSO: Sinong bata?

AKO: Yung bata dun sa gilid.

BUNSO: Hindi e. Ano bang sinabi?

AKO: Ang laki raw ng pwet ko.  o_O

BUNSO: O? Sinabi niya yun? As in bata talaga?

AKO: Oo, may 3-4 years old siguro.

BUNSO: Bwisit na bata yan! Bastos. Bugbugin ko yun e!

AKO: Pervert!  *mad*


_Ayoko na nga dumaan dun. Leshe!  *mad*