White Horse

Maayos pa silang nag-usap noong gabing iyon, si Shane, nakahiga pa sa sofa, habang hinihimas ni Lloyd ang kanyang buhok. Malalim na ang gabi, kailangan nang umuwi ni Lloyd. Ilang oras din ang inilagi niya sa bahay nina Shane, pero para kay Shane ay kulang na kulang pa rin talaga iyon.

"Baby, uwi na ako," paalam ni Lloyd kay Shane.

Sandaling tinitigan ni Shane si Lloyd at tinanong, "Baby mo pa ba ako? I thought I'm just a friend."

Bakas kay Lloyd ang pagkagulat sa sinabi ni Shane. "Ayaw mo na bang maging baby ko?" tanong niya kay Shane, malungkot ang mukha.

Umiling si Shane habang sinasabi ang salitang, "Ayaw." Tinawanan lang ni Lloyd ang kanyang sinabi pero pagkatapos ay sinabi nito ang,

"Ang sakit naman ng narinig ko."
"Sige na hatid na kita sa labas," pagyaya ng dalaga sa kausap.

Nag-alinlangan pa si Lloyd na lumabas sa tarangkahan ng bahay. Bago tuluyang umalis, tinanong niya si Shane, "Nagbibiro ka lang ba sa sinabi mo?"

"Mukha ba akong nagbibiro?" balik na tanong ni Shane.
"Hindi," sagot ni Lloyd sa sarili niyang tanong.
"Sige na, ingat ka," sabi ni Shane kay Lloyd. Di mapakali si Lloyd na labis na napansin ni Shane. "May problema ka ba?" tanong ni Shane.
"Wala," sagot ni Lloyd, kahit halata namang nababagabag siya. Hinalikan niya ang mga labi ni Shane bago tuluyang umalis.
"Ingat," sabi ni Shane.
"Bye," tugon naman ni Lloyd.

Pinagmasdan ni Shane si Lloyd, nakatalikod, naglalakad palayo sa kanya.

"Masakit palang makita ang taong minahal mo na naglalakad palayo sa iyo," pagtatanto ni Shane, pero wala siyang magawa.

Maraming nagbago makalipas ang ilang buwan. Sadya sigurong ganoon, na sa paglipas ng mga araw, kasabay noon ay ang pagbabago ng tao. Isang taong akala mo kilalang-kilala mo na pero mapapansin mong ngayon ay malayo na siya, malayo sa iyo, ibang-iba kaysa dati. Ngayon ay napag-iwanan na si Shane ng taong minahal niya, ilang beses nabaliwala, wala ring nangyari kahit nagtiis pa siya.

Bumalik na si Shane sa hinihigaang sofa at ipinikit ang mga mata, kasabay noon ay ang pagtugtog ng isang pamilyar na musika.

...Say you're sorry
That face of an angel
Comes out just when you need it to...

...I had so many dreams
About you and me
Happy endings
Now I know...

...I'm not a princess, this ain't a fairy tale...

...I was a dreamer before you went and let me down
Now it's too late for you
And your white horse, to come around...

...And there you are on your knees,
Begging for forgiveness, begging for me
Just like I always wanted but I'm so sorry...

...Cause I'm not your princess, this ain't a fairy tale
I'm gonna find someone someday who might actually treat me well...

...And it's too late for you and your white horse
Now it's too late for you and your white horse, to catch me now...

...It's too late to catch me now...