Class Picture

Hindi ko gusto yung class picture namin.

Hindi rin gusto ng mga estudyante.

Pero nung una excited silang makita yun.

Pero nung makita na e nagsireklamo.


AKO: Ayokong ipakita sa inyo. Ang pangit ng hitsura ko! *mad*

FIRST YEAR: *nakiusap* Sige na, ma'am. Sige na!


Hindi ko gusto yung picture na yun kasi ang laki ng smile ko. Pero ipinamigay ko na rin.


MICAH: Ay ang cute ni ma'am! *tawa*

PAULINE: Ay oo nga ang cute ni ma'am! *tawa*


Ayoko ng ngumingiti ng labas ang ngipin.

Parang hindi ako sanay.

Parang hindi ako.

Ayoko ng ngiting artista.

Nung pinicturan kasi kami noon e pinagsabi kami ng "A".

As in the letter A.

So expect ko talaga na malaki yung ngiti ko doon.


KHYRT: Ay si ma'am ngiting tagumpay! *tawa*


Nakitawa na lang ako habang tinatawanan nila ako. Cute naman daw kasi ako. Nyahahaha!


Tapos nagsireklamuhan na.


KHIM: Bakit nagmukhang daga ako rito? Anong nangyari sa tainga ko?

FIRST YEAR: Ay oo nga! *tawa*

KEVIN: Ma'am ba't parang edited ako?

AKO: *tingin sa class picture* Ay oo nga! Ba't ka lumiliwanag?


May kung anong liwanag sa paligid ni Kevin. Tumawa sila.


AKO: *sinabi kay Kevin* Para kang nag-aparisyon diyan. *tawa*

KEVIN: Oo nga ma'am! *tawa*


Hanggang mag-uwian e pinagtatawanan nila yung class picture. Hay naku. Halos lahat na lang ng picture ineedit.